إلمــــــود اليوم عربي بعد فترة إنقطاع عن الكتابه أدور الاحرف إدواره :) بس بحاول إني اتقن الكتابه بالعربي لأنه صج عيب !!أنا هالجم اسبوع الي مرو تقريبا بطلت استخدم الإنجليزي يعني بالله لي متى !! بالمطاعم والقهاوي او في كل مكان إحنا لما إنسافر مضطرين إنتكلم بس بديرتنا هم ما إنتكلم بلهجتنا !! مادري فجأه حسيت إنه ضعف او عدم ثقه بالنفس ولاهندي أو فلبيني يغصبني أتكلم مثل ما يبي !! خل إشغلوون مخوخهم وتعلمون عربي
***
الجو غريـــــب عجيـــب لا إشتـــا لا صيــف صج ولهت على السحتني أتوقع أهل البر مو يايز لهم الجو والشاليه مو صج أبو الرومانسيه
الوقت، هاللحضه وانا بمكتبي الجو برا غيــــم ظلمه والبحر أزرررررررررررق غير العاده على امحووووحي، طبعا محد إمداوم والشوارع إشزيـــــنها ياحلو الديره إبهالوضع ولاونا كارها او كاره 90% من الشعب الهيلاق بس فيني بقايا ولاء
***
مختصر عناوين الصحف
آخ على غزه الله إكون إبعونهم والله مجزره او شي إحر والمضحك المبكي ان العرب يطلبون عقد قمه عربيه طارئه ! شل فايده اشراح إتغير يعني ما وركم فايده جني أدري راح يشجبون +تنديد بالعدوان وتباوسون او كل واحد برد ديرته انا اقو انثبرو احسن
على موضوع الداو ماني فاهم ليش جماعة حدس مستذبحين هالكثر على المناقصه او دفاع مستميت مكان من الأول يطلع
الوزير او إرد على أسئلة النواب أو فكنا ،يعجبني صالح الملا كان في مقابله في القناه الدايخه سكوب او عادوها الف مره او كان
معاه الشمري (حدس) فكان مقنع والله الملا
وبعدين عرفت إنا كان يشتغل في النفط فواضح إنه كانت عنده معلومات فنيه دقيقه
إليوم خوووووش مقال حق عبد اللطيف الدعيج عن نوابنا الهيلق (البعض) انهم إتوسطون حق تابعينهم الهيلق للوظايف
المهمه وايد يازلي هالمقال
البوووووورصه فوق ال200 نقطه نازله حتى هذه اللحظه الله يستر انا اقول هالملاقيف لو إمسوين شغلهم
بسكات وايد أحسن(لجنة الإنقاذ+الحكومة) ما سوت علينا من قالو بتدخلون إعتفسنا أكثر
والله المستعان....
posted by cozy @ 7:46 AM
7 Comments:
cooooooooooooozy!!!!
welcome back!
لا بكتب بالعربي بما ان البوست عربي
ههههه
انزين جان نطرت شهرين بعد عشان تكمل سنة ما تدري عن بلوقك لووول
انا قلت يمكن نسيت اليوزر نيم و الباسوورد هههههه
انا بعد بالدوام ما اطبع عربي بس الله يعافي البلوق خلاني ااكتب عربي
والله الفليبيني خوش شي لما تطلب يحاجيك عربي
الشرهه على المصري اذا ييت تطلب بالعربي يرد عليك بالانجليزي
!!!!
لييييييش التفلسف يعني؟؟ حاجني عربي لا كف على عينك
و الجو الجو الجو
آآآآآآه من الجو
لووول
يايك السحتني بشهر 1 ان شاءالله لا تستعيل
:)
ايييييه
ناس مكاتبهم على البحر و ناس محكورين بالكويبك حتى دريشه ماكو
:(
و غزه اي و الله الله يعينهم
و على قولتك قمم عربية على الطل
و الداو انا صراحه كلش ما أثق فيهم حدس.. و عفيه عليه الملا عبالهم بس هم اللي فاهمين
المقال ما قريته و البورصة صج صج الله يستر
Purplecious
لا تييبين طاري شهر 1 لأ لأ لأ
لوووول
الكل فرحان
New Year
الا انا عيد ميلادي ختمس يوم في ماااااااااابي
وعلى طاري اللي يتكلمون انجليزي
داقه علي وحده مصريه بالدوام وانجليزي وانا اندمجت جان اتقولي
أيوم بس مش كدا
لا والله ؟
هذي مال شسوي فيها
!!
ختمس = خامس
لووول
الجو
صج هالأيام حلو لا صيف ولا شتا, وتبي الصراحة إحنا مو ويه برد ما ايي الشتا إلا نصنا طايحين مراضى
^_^
عناوين الصحف
ما شفنا شي للقمّة العربية يذكر
أحسها شكليات ومصاريف على الفاضي
,
زيارتي الأولى, إن شالله ماراح تكون الأخيرة
=)
Purplecious
أهلين وسهلين شفتي إشلون ههها والله نسيت كل شي ههه شلونج إنشالله أمورج كلها زينه
Why me :
كل عام وانتي إبخير مقدما إنشالله راح أكتب موضوع كامل عن الإنجليزي سوووون :)
جنون إحساس
هذي الساعه لمباركه :)
Post a Comment
<< Home