Thoughts......
تعودت عند الاستعداد لكتابة بوست جديد ان اذكر نفسي اني ما احاول اكون مثالي او اني اجامل على حساب نفسي ..كلنا في مجتمعنا وبشكل لا ارادي نلبس هذا القناع الوردي لنخفي عيوبنا او انتصنع الضحك والزعل والترحيب المبالغ فيه والنفاق الاجتماعي عموما .بس في هالمكان اذا صاحب البلوق ما ترك هذا القناع اتوقع الكتابه مالها معنى ولا طعم للكاتب نفسه... انا حبيت فكرة البلوق للهروب من حياتي بطريقه معينه..في هذه المساحه انا غير ملزم اصفف الكلام ولا اني احجب افكاري ان كانت من الواقع اومن الخيال اما اني اعجب ببلوق معين وارجع لزيارته اوالعكس والكل انام على الجمب الي يريحو
***
يا ناس الفضوليه وصلت حتى في البلوقرز !! قريت بوست ما ادري اذا كان لي حق اقول اسم هذا البلوق بس كان عن المشكله الي دارجه الحين اللقافه لمعرفة صاحب البلوق !! ماني عارف الهدف من كل هذا هل اهوه لمعرفة تفكير هذا المجهول ؟ ولا للفضيحه وسلام ؟ولا ناس ماعندهم شغل ؟
يعني اتوقع هذي خصوصيه و مو من حق اي احد اغتصاب هذي الحريه ! وكل ما كان الكاتب عفوي ولا اخاف من شي كل ما كان البوست له فكره وهدف ويمكن اتكون معلومه بعد
***
لبنان: اسرائيل انسحبت وارتحنا بدت المشاكل بين الحكومه و حزب الله
فلسطين: حرب حماس مع فتح واحد اقول اعترف بسرائيل والثاني اقول لا
العراق: ارتاحو من صدام ياتهم امريكا خلصو من الامريكان صارت حرب بين الشيعه والسنه
يعني بختصار العرب ادمنو على الحروب واذا ما لقو احد احاربونه تحاربو بينهم والله اكون ابعون المساكين الفقاره الي ضايعين بينهم و صارو الضحيه والله يستر من الي ياي
***
كم هوجميل الارتباط ان كان بعمل تحبه وتتقنه او بصداقه تحترمها تخلص لها او باسره صغيره في بداية بنائها تعطي ما استطعت لاسعادها والمحافظه عليها بكل ما اوتيت به من قوه كم هو جميل هذا الاحساس بالانتماء والولاء والفخر بهذا الارتباط وهذه المسوؤليه الغير مفروضه بل على العكس فهي نابعه من حب و احترام لهذه العلاقه الراقيه .. الله يرزقنا ويرزق الجميع و سلامتكم
تعودت عند الاستعداد لكتابة بوست جديد ان اذكر نفسي اني ما احاول اكون مثالي او اني اجامل على حساب نفسي ..كلنا في مجتمعنا وبشكل لا ارادي نلبس هذا القناع الوردي لنخفي عيوبنا او انتصنع الضحك والزعل والترحيب المبالغ فيه والنفاق الاجتماعي عموما .بس في هالمكان اذا صاحب البلوق ما ترك هذا القناع اتوقع الكتابه مالها معنى ولا طعم للكاتب نفسه... انا حبيت فكرة البلوق للهروب من حياتي بطريقه معينه..في هذه المساحه انا غير ملزم اصفف الكلام ولا اني احجب افكاري ان كانت من الواقع اومن الخيال اما اني اعجب ببلوق معين وارجع لزيارته اوالعكس والكل انام على الجمب الي يريحو
***
يا ناس الفضوليه وصلت حتى في البلوقرز !! قريت بوست ما ادري اذا كان لي حق اقول اسم هذا البلوق بس كان عن المشكله الي دارجه الحين اللقافه لمعرفة صاحب البلوق !! ماني عارف الهدف من كل هذا هل اهوه لمعرفة تفكير هذا المجهول ؟ ولا للفضيحه وسلام ؟ولا ناس ماعندهم شغل ؟
يعني اتوقع هذي خصوصيه و مو من حق اي احد اغتصاب هذي الحريه ! وكل ما كان الكاتب عفوي ولا اخاف من شي كل ما كان البوست له فكره وهدف ويمكن اتكون معلومه بعد
***
لبنان: اسرائيل انسحبت وارتحنا بدت المشاكل بين الحكومه و حزب الله
فلسطين: حرب حماس مع فتح واحد اقول اعترف بسرائيل والثاني اقول لا
العراق: ارتاحو من صدام ياتهم امريكا خلصو من الامريكان صارت حرب بين الشيعه والسنه
يعني بختصار العرب ادمنو على الحروب واذا ما لقو احد احاربونه تحاربو بينهم والله اكون ابعون المساكين الفقاره الي ضايعين بينهم و صارو الضحيه والله يستر من الي ياي
***
كم هوجميل الارتباط ان كان بعمل تحبه وتتقنه او بصداقه تحترمها تخلص لها او باسره صغيره في بداية بنائها تعطي ما استطعت لاسعادها والمحافظه عليها بكل ما اوتيت به من قوه كم هو جميل هذا الاحساس بالانتماء والولاء والفخر بهذا الارتباط وهذه المسوؤليه الغير مفروضه بل على العكس فهي نابعه من حب و احترام لهذه العلاقه الراقيه .. الله يرزقنا ويرزق الجميع و سلامتكم
posted by cozy @ 8:15 PM
9 comments
